Sikop sa gikasa nga intelligence-driven operation sa mga personahe sa kapulisan ang usa ka 63 anyos nga Lalaki,mga alas 7:30 ang takna sa kagabhion niadtong Disyembre 22,2024 didto sa Barangay Minlasag, Sibutad, Zamboanga del Norte.
Ang nasikop naila nga usa ka 63-anyos nga lalaki nga residente sa nasangpit nga Barangay kinsa nadakpan samtang nag-apil-apil sa illegal numbers game nga gitawag og “Swertres”
Nasikop kini pinaagi sa Regional Intelligence Division 9, sa koordinasyon sa Sibutad MPS, ug nasakmit ang upat ka tally sheets ug Php 535.00 ka pesos sa nagkadaiyang denominasyon nga gigamit isip bet money.
Ang suspek anaa na karon sa kustodiya sa Sibutad MPS, uban ang mga nakumpiska nga ebidensya, alang sa tukmang legal nga disposisyon ug pagpasaka sa tukmang kaso. (Medalyn U. Borja)
(Source: ZNPPO)