Sikop ang usa ka 63 anyos nga babaye, sa gikasa nga hiniusang operasyon sa mga tinugyanan sa balaod, mga alas 9:35 ang takna sa kagabhion, Enero 28,2025,didto sa Barangay Estaka, ning dakbayan sa Dipolog.
Ang dinakpan naila nga si Brenda Urgelles Alpuerto, minyo, walay trabaho ug residente sa susamang Barangay kinsa gidakop sa Warrant Server PNCO Duty WCPD, kauban ang mga personahe sa 1st ZNPMCC, tungod sa kasong kalapasan sa Section 5(1) sa R.A. 9262 kalabot sa Section 6(F) sa R.A. 9262, ubos sa Criminal Case No. 27772. nga giisyu ni Hon. Nestor Rabulan Angeles, Presiding Judge sa Regional Trial Court, 9th Judicial Region, Branch 3, Dipolog City, pinetsahan Enero 28, 2025, nga adunay piyansa nga girekomendar nga mobalor sa Php 72,000.00 alang sa iyang temporaryong kagawasan.
Ang dinakpan detinado na karon sa Dipolog City Police Station alang sa tukmang disposasyon.(Medalyn U. Borja)
Source: ZNPPO