Nadakpan ang usa ka hubog nga construction worker human kini manghulga sa iyang kapuyo nga lungguan sa liog, sama sa nahitabo sa Barangay Lutac.
Ang suspek, nga nailhan nga si Robert Caburnay Secuya, 27, residente sa Barangay Pangdan, Naga City, nasikop sa kapulisan sa Barangay Central Poblacion pasado alas-4:30 sa kadlawon.
Matod sa imbestigasyon, nabulabog ang mga namalit og pan sa usa ka bakery dihang kalit lang misulod si Secuya ug mihulga sa iyang kapuyo nga nagtrabaho didto. Nasuko ang suspetsado kay wala siya pahibaw-a nga mo-duty ang kapuyo.
“Parihasun ta mo sa mag-inahan nga gigulgol ang liog didto sa Lutac!” matod sa pamahayag ni Secuya nga nadungog sa mga tawo sa maong lugar.
Nahadlok si Noreen nga posibleng adunay armas ang suspetsado, busa mitawag siya og tabang sa kapulisan. Gilusad dayon ang operasyon sa Naga City Police, ug nadakpan si Secuya.
Nasuta sa imbestigasyon nga gikan pa sa trabaho si Secuya, dayong inom, unya ning-uli sa ilang balay nga walay tawo. Tungod sa kasuko nga wala niya didto ang kapuyo ug ilang mga anak, misulong siya sa panaderia ug nagbuhat og hulga.
📸 Naga City Police Station
I via Renante Socia Lada