Sa pagkakaron Agusto 14, mokabat sa 7,436 ka panimalay sa pito ka Local Government Units (LGUs) sa Zamboanga del Norte ang nakadawat og 10 ka kilo nga bugas ubos sa LGSF-FALGU Rice Project nga gipatuman pinaagi sa Office of the Provincial Social Welfare and Development Officer (OPSWDO), ubos sa pagpanguna ni OIC-PSWDO Hannah Lou Gumapon Mandantes, ning bulan sa Agosto.
Sa unang hugna sa distribusyon, 2,204 ka panimalay sa Rizal, Manukan, ug Jose Dalman ang nakadawat og bugas niadtong Agosto 4. Gisundan kini sa Katipunan ug Roxas niadtong Agosto 5, diin 1,957 ka panimalay ang nakadawat sa maong ayuda.
Samtang, 3,275 ka panimalay sa Siayan ug Sindangan ang nakadawat usab og libreng bugas atol sa distribusyon niadtong Agosto 10.
Magpadayon ang Provincial Government of Zamboanga del Norte, ubos sa administrasyon ni Governor Darel Dexter T. Uy, pinaagi sa OPSWDO, sa paghatag og suporta ngadto sa mga kwalipikadong pamilya aron makatabang sa ilang adlaw-adlaw nga panginahanglanon.
Ang sunod nga distribusyon sa ubang LGUs sa probinsya ipahibalo sa OPSWDO pinaagi sa opisyal nga mga pahibalo. Giawhag ang mga kwalipikadong benepisyaryo nga kanunay nga mosubay sa mga anunsyo alang sa tukmang petsa, oras, ug lugar sa pag-apod-apod.(IKEN B. GULLEM)
Source: Zamboanga del Norte Provincial News Network