Nakumpiskahan sa mga otoridad sa gibana-bana nga 2 ka gramos sa ilegal nga drugas ang usa ka Senior citizen atol sa gikasa nga joint buy-bust operation, mga 11:38 ang takna sa kagabhion niadtong Abril 25, 2026, didto sa Purok Nangka, Brgy. Sinonoc, Dapitan City, Zamboanga Del Nortem.
Ang maong dinakpan nailhang usa ka 60 anyos nga senior citizen ,lalaki, ulitawo, drayber ug residente sa nahisgutang lugar,kinsa gidakop pinaagi sa mga operatiba sa Dapitan CPS, uban sa mga personahe gikan sa 1st ZNPMFC, tungod sa paglapas sa Republic Act No. 9165, nailhan usab nga Comprehensive Dangerous Drugs Act of 2002.
Nasakmit sa mga awtoridad gikan sa dinakpan ang gibana-bana nga 2 gramos sa gituohang shabu, uban sa nagkalain-laing mga gamit sa droga ug mga butang nga dili droga, nga gibanabanang mobalor sa P13,600.00.
Ang dinakpan gipahibalo sa hinungdan sa iyang pagkadakop ug mga katungod sa Konstitusyon (Miranda Warning) ug Anti-torture Act sa usa ka diyalekto nga iyang hingpit nga nasabtan ug kasamtangang gikustodiya na kini sa Dapitan City Police Station samtang nagpaabot sa pagpasaka sa tukmang reklamo.
Ang tanang nakumpiska nga mga butang gi-imbentaryo ug gisumite na sa Zamboanga del Norte Provincial Forensic Unit-9 alang sa chemical examination.(MEDALYN U. BORJA)
Source: DAPITAN CPS, ZNPPO