Nagtingkagol karon sa prisohan ang usa ka 60 anyos nga senior citizen homan masikop atol sa gikasa nga drug buy-bust operation sa Barangay Datu Tangkilan, Sindangan, Zamboanga del Norte,mga alas 8:00 SA gabie niadtong Agosto 12,2026.
Naila ang dinakpan nga senior citizen nga usa ka lalaki ,notadong street level indibidwal,kinsa nakuhaan sa mga personahe sa kapulisan og gibana-bana nga 2.5 gramos nga gituohang shabu nga nagkantidad ug P17,000 ka pesos lakip ang marked money nga P1000 kapesos uban sa mga butang nga dili druga.
Ang nakumpiska nga gituohang ilegal nga droga ipadala sa Liloy Satellite Forensic Office, Barangay Fatima, Liloy, Zamboanga del Norte, alang sa laboratory examination.
Samtang ang suspek anaa karon sa kustodiya sa Sindangan Municipal Police Station alang sa hustong disposisyon ug angay nga legal nga proseso.(MEDALYN U. BORJA)
Source: ZNPPO