Usa ka mag-uuma ang nadakpan sa gihimong operasyon sa mga personahe sa PNP-MG 5th SOU, Dapitan City Police Station, 1st ZNPMFC, ug 901stMC RMFB9, mga alas 5:40 sa hapon Enero 23, 2025, didto sa Barangay Dawo, dakbayan sa Dapitan.
Ang dinakpan naila sa pangalan nga si Ronald Calunsag Bulagao, 51-anyos, lalaki, mag-uuma ug residente sa Barangay Tamion, Dapitan City.
Nasikop kini pinasikad sa warrant for theft, nga giisyu ni Presiding Judge Hilarior Jonathan Garcia Maagad sa MTCC, Ninth Judicial Region, Dapitan City, ubos sa Criminal Case No. 20738. Ang girekomendar nga piyansa alang sa paglapas kay Php 6,000.
Ang suspek anaa na sa kustodiya sa Dapitan City Police Station alang sa tukmang disposasyon. (Medalyn U. Borja)
(Source: ZNPPO)