Balhog sa prisohan ang nasikop nga usa ka personahe sa BJMP, mga alas 5:15 ang takna sa hapon, Enero 23, 2025, didto Barangay Dawo, Dapitan City, Zamboanga del Norte.
Nailhan ang dinakpan nga si Jovan Quimiguing Pacaro, 43-anyos nga lalaki nga personnel sa BJMP ug residente sa nasangpit nga Barangay kinsa gisikop pinaagi sa gipatoman nga law enforcement operation sa mga personahe sa Dapitan City Police Station, gisuportahan sa mga personahe sa PNP-MG 5th SOU, 1st ZNPMCC, ug 901stMC RMFB9 pinasikad sa warrant for theft, nga giisyu ni Presiding Judge Hilarion Jonathan Garcia Maagad sa MTCC, Ninth Judicial Region, Dapitan City ubos sa Criminal Case No. 20738 nga adunay girekomendar nga piyansa nga mobalor sa Php 6,000.
Ang suspek anaa na karon sa kustodiya sa Dapitan City Police Station alang sa tukmang disposasyon. (Medalyn U. Borja)
(Source: ZNPPO)