Usa ka programa ang na benepisyohan sa pipila ka mga residente sa Labason, Zamboanga del Norte, kinsa nakadawat ug tagsa ka libo pesos nga Relief Cash Assistance to Individuals in Crisis Situation nga giluwatan sa hingtungdan sa Department of Social Welfare and Development kon( DSWD )nga gipahigayon didto sa covered court sa Barangay Antonino, Labason, Zamboanga del Norte, Marso 22,2024.
Anaa sa 500 ka mga residente ang naka benepisyo sa maong relief cash assistance nga programa ubos pagpasiugda sa mga personahe sa DSWD-Liloy SWADT Team.
Ang maong programa gitambungan sa pipila ka barangay ug government officials, nga gi organisa sa Punong Barangay sa Antonino nga Arnold Villano, kinsa nipadayag sa iyang pagpasalamat sa mga bisita ug sa pag apod-apod sa maong Cash Relief Assistance.
Si former Gutalac Mayor Mariano “Nonoy” Candelaria ug ang representante ni Governor “Nanay Nene” Jalosjos, focal person Mr. Jervis Jalosjos mipadayag nga ang pundo sa maong cash relief assistance alang sa ZaNortehanon, nag gikan sa kaulohan ug wala kini gidipigan o gipili,kaalyado man o dili,isip inahan sa lalawigan sa Zamboanga del Norte kini usa ka pamaagi sa pagpangalagad sa tibuok probinsya.
Sa samang higayon,si Labason Sangguniang Bayan Member, Agapito “Dodong” Balili ug former Labason Vice Mayor Riza Melicor mipasalamat ngadto kang Governor Jalosjos sa paglakip sa lungsod sa Labason nga usa sa makatagamtam sa Cash Relief Assistance gikan sa Gobernadora.
Dugang pa,Si 3rd District Board Member Franco Angelo “Conkee” Buctuan, sa makanunay anaa sa matag higayon sa pag apod-apod ug ayuda o sa unsa mang kalihokan nga may kalabot sa Kagamhanang-Probinsyal sa ikatulong distrito.
Siya nag siguro nga ang maong ayuda dili kini ang katapusang ma benepisyo, tungod kini nahisubay sa panultihon ni Governor Jalosjos nga, “Misyon Ko, Tinuod nga Serbisyo” ug sa sumusunod laing grupo na usab ang makatagamtam niini.
Sa katapusang bahin sa maong programa, iyang gihangyo ang mga maka benepisyo sa maong ayuda nga gamiton kini nga kantidad sa panginahanglan sa matag panimalay. (Medalyn U. Borja)
(Source: Provincial Government of Zamboanga del Norte)