Sikop ang usa ka wanted person nga nag atubang sa kasong Acts of Lasciviousness atol sa gikasa nga Manhunt operation sa mga personahe sa kapulisan mga alas 7:00 ang takna sa kagabhion, Pebrero 22,2026,didto sa Purok 3, Barangay Linabo, Dapitan, Zamboanga del Norte.
Ang maong dinakpan naila nga si alyas Nonoy Mercado, 25 anyos, lalaki, ulitawo, adunay live-in partner, construction worker, ug residente sa susamang Barangay kinsa gidakop tungod sa kasong
Acts of Lasciviousness nga may kalabotan sa Republic Act No. 7610 pinasikad sa Warrant of Arrest nga gi-isyu ni Hon. Rogelio D. Laquihon, Presiding Judge sa Regional Trial Court, Branch 7, Ninth Judicial Region, Dipolog City, Zamboanga del Norte nga gipetsahan Oktubre 13, 2018, ubos sa Criminal Case No. 22463, nga adunay piyansa nga mobalor sa Php 36,000.00.
Ang nadakpan nga suspek gipahibalo sa hinungdan sa iyang pagkadakop ug katungod sa konstitusyon sa diyaleko nga hingpit niyang nasabtan ug anaa na kini karon sa kustodiya sa Dapitan City Police Station alang sa hustong disposisyon.(MEDALYN U. BORJA)
Source: ZNPPO