Depenido na nga ipahigayon ang “4th Mayor Darel Dexter T. Uy Inter-High School Basketball Cup” dinhi sa dakbayan, human kini gikatakda nga pagasugdan karon umaabot adlaw nga Sabado, Nobyembre 11, 2023, sa may alas 8:00 ang takna sa buntag didto sa Dipolog Sports Center, Dipolog Sports Complex, sa Barangay Olingan, ning siyudad.
Sa nasayran, mokabat ngadto sa napulo (10) ka mga tulunghaang sekondarya ang misalmot ning kasamtangan, diin gilaoman nga aduna pa’y dugang mosalmot nga mga teams gikan sa ubang mga pribadong tulunghaan dinhi sa atong siyudad.
Kining maong torniyo ang matud pa tuyong gipasiugdahan sa kagamhanang lokal ning siyudad pinaagi sa City Youth Sports Development Council, pinaagi ni YSDC Chairman,
Atty. Chandler O. Ruiz, isip tipik sa programa sa paugnat sa kusog ilawom sa kasamtangang liderato ni City Mayor Darel Dexter T. Uy duyog na sa mga opisyales ning atong kagamhanang lokal.
(Source: Dipolog City Government Facebook page)