Nakadawat og Family Food Pack’s ang 493 ka fisherfolks nga mga benepisyaryo sa Programa sa Lgu Dapitan, nga mga nanimuyo sa Pito ka Barangay nga sakop sa nasangpit nga dakbayan, niadtong nakalabay nga adlaw, Setyembre 24, 2025.
Nasayran nga ang naasoy nga Pito ka kabarangay nga nahimong Benepisyaryo ang mga Lumolupyo niini, gilangkuban sa Barangay San Vicente, Opao, Ilaya, Barcelona, Tamion, Ba-ao, ug ang Barangay Burgos, diin ang mga Beneficiaries sa nahisgutang mga food packs, mao kadtong mga fisherfolks nga nabiktima sa milabay nga kalamidad, tungod sa Bagyong Crising.
Matud pa nga ang nasangpit nga pagtunol sa mga Family food packs, gipangunahan sa mga personahe nga gikan sa Department of Social Welfare and Development (DSWD), inabagan usab sa mga personahe gikan sa City Agriculture Office, maingon man sa City Social Welfare and Development Office (CSWDO), nga matud pa, ang maong programa pinaagi sa pagpaningkamot sa Lokal nga Pangagamhanan sa dakbayan sa Dapitan.
Tungod matud sa maong mga food packs, nagpasalamat og dako ang mga katawhan nga maoy mga Benepisyaryo sa naasoy nga Programa, gumikan sa kalisod nga ilang nasinatian, ila usab nga nabati-an ang suporta kanila sa kasamtangang Administrasyon, nga naglantaw alang sa kaayohan sa mga Dapitanon.(Julius Esmade)
Source: CITY GOVERNMENT OF DAPITAN