Balhog karon sa prisohan homan maaresto ang usa ka 49 anyos nga panday atol sa gipatoman nga operasyon mga alas 9:51 ang takna sa buntag niadtong Abril 5, 2026, didto sa Sitio Silakad, Brgy. Muñoz, Siayan, Zamboanga del Norte.
Ang maong dinakpan nga wanted person naila nga usa ka 49 anyos nga lalaki, minyo, usa ka panday, ug residente sa nasangpit nga lugar kinsa gidakop pinaagi sa mga personahe sa Siayan Municipal Police Station (MPS) Tracker Team tungod sa paglapas sa Section 5 sa Republic Act No. 9262 nga gi-isyu ni Hon. Mundlyn Geonzon Misal-Martin, Presiding Judge sa Family Court, 9th Judicial Region, Branch 05, Sindangan, Zamboanga del Norte, Philippines, nga gipetsahan Hulyo 24, 2025, nga adunay girekomendar nga piyansa nga PHP 24,000.00.
Ang dinakpan gipahibalo sa kinaiya ug hinungdan sa iyang pag-aresto ug gipahibalo sa mga katungod sa konstitusyon sa usa ka diyalekto nga iyang hingpit nga nasabtan ug anaa na kini karon sa kustodiya sa Siayan Municipal Police Station alang sa hustong disposisyon.(MEDALYN U. BORJA)
Source: ZNPPO