Sikop sa mga personahe sa Rizal Municipal Police Station sa koordinasyon sa Bantay Dagat ang usa ka 49 anyos nga lalaki mga alas 8:30 ang takna sa buntag Abril 6,2025.
Ang dinakpan naila nga 49 anyos nga lalaki minyo, ug residente sa Barangay Manla, Sapang Dalaga, Misamis Occidental, kinsa gidakop tungod sa ilegal nga pagpangisda didto sa kadagatan sa Barangay Nangca,Rizal Zambonga del Norte Rizal, Zamboanga del Norte nga hingpit nga nakalapas sa Article 13, Section 3 sa Municipal Ordinance No. 2014-0.
Ang suspek nasakpan sa akto nga nanagat nga walay permit atol sa joint seaborne patrol operation ug nakuha gikan sa iyang possession ang usa ka non-motorized nga banca ug usa ka fishnet/meshnet, nga adunay gibanabana nga kantidad nga P8,000.00.
Ang mga nakumpiska nga paraphernalia gidala sa Bantay Dagat Outpost, ug human sa pag-isyu og citation ticket ug pagbayad sa katugbang nga silot ngadto sa Municipal Treasurer’s Office,gipagawas gilayon ang mga butang.(Medalyn U. Borja)
Source: ZNPPO