Patay dihadiha dayun ang usa ka amahan nga nailhan sa pangalan nga Hermenehildo Dueñas Reyes, 79 Anyos human kining giluba sa kaugalingong anak nga si Franklito Gapod Reyes, 59 Anyos parehong lumulupyo sa Purok 4, Barangay Singatong, Lungsod sa Katipunan, probinsya sa Zamboanga Del Norte, kagahapong adlawa Abril 6, ning tuiga.
Sa pasiunang
imbestigasyon sa Katipunan PNP ang biktima matud pa misulay sa pag apil sa pagluto ug kopra,diin miabot ang Suspetsado nga gashagit ngadto sa iyang amahan ug sa walay daghang storya iya kining gitigbas ug giluba hinungdan sa hinanaling kamatayon niini.
Ang biktima nakaangkon ug daghang samad sa walang bahin sa iyang dughan, ug gidala gilayon sa pinakaduol nga tambalanan sa Katipunan Rural Health Unit para sa pasiunang medikal nga atensyon.Ug sa pag abot ang biktima gideklarar na kining Dead On Arrival sa Attending Physician, nga si Dr. Stephen Samonte tungod sa nakita nga hinungdan nga Traumatic Injury.
Sa pagkakaron ang patayng lawas sa biktima ang gidala gilayon ngadto sa iyang pamilya para mapahimutang na ang patayng lawas sa ilang panimalay.
Kahibaloan ang suspetsado ang dali ra gilayong nasikop ug anaa na sa sa Katipunan Municipal Police Station.
Sa pakigsusi sa mga kapolisan personal nga bikil ang hinungdan kabahin sa yuta sa pamilya.(Angelica T. Obina)
Source: KATIPUNAN PNP