Ang DENR IX pinaagi sa paningkamot sa Community Environment and Natural Resources Office sa Manukan nga gipangulohan ni CENRO George E. Laolao nanguna sa pag-apod-apod sa 48 ka basurahan alang sa unom (6) ka lungsod ug usa (1) ka siyudad sa 2nd District sa Zamboanga del Norte sa pakigtambayayong sa mga pribadong partner isip suporta sa pagpasiugda sa RA 9003 o ang Ecological Solid Waste Management Act of 2000.
Ang inisyatibo sa proyekto usa ka kampanya aron mapadayon ang kalimpyo sa tanan nga publiko nga mga lugar pinaagi sa pagpahamtang sa husto nga paglainlain sa tanan nga solidong basura.
Ang mga basurahan nga gidonar sa SeaOils Philippines, Inc. ug Petra Cement Companies ibutang sa mga pampublikong lugar sama sa integrated bus terminals, municipal halls, plaza ug mga merkado publiko.
Ang kalihokan sa pag-apod-apod ngadto sa lain-laing LGUs gitambongan sa pipila ka mga importanteng personalidad, lakip sila PENRO Cidur S. Julsadjiri, CENRO George E. Laolao ug management staff gikan sa pribadong mga kompaniya.
Ang pagtinabangay tali sa mga pribadong kompanya, local government units ug mga ahensya sa gobyerno mahinungdanon aron makab-ot ang gitinguhang tumong ngadto sa malungtarong pagdumala sa basura ug nagpasabot sa ilang pag-apil sa pagtinabangay aron mamintinar ang kalimpyo sa palibot ug sa kinaiyahan.
(Source: DENR Zamboanga Peninsula Facebook page)