Tingkagol sa prisohan ang usa ka Top 5 Most Wanted Person (Municipal Level) atol sa gihimong hiniusang operasyon sa mga tinugyanan sa balaod didto sa Barangay Poblacion, Siocon, Zamboanga del Norte, mga alas 2:40 ang takna sa hapon, niadtong Septiyembre 17,2025.
Ang dinakpan naila nga si alyas “Mon” 46 anyos, ulitawo, mag-uuma, ug residente sa Barangay Libucon, Sirawai Zamboanga del Norte,kinsa gidakop pinaagi sa mga personahe sa Siocon MPS, kauban ang RAZN-RID9, 905th RMFB9, ug 2nd ZNPMFC ubos sa warrant of arrest tungod sa kalapasan sa R.A. No. 10951 (Revised Penal Code with amended values of property and damage) ug R.A. 9516 (Illegal Possession of Explosives) nga giisyu ni Hon. Ela Michelle Sta. Maria Cubero, Presiding Judge sa RTC Branch 27, Ninth Judicial Region, Siocon, Zamboanga del Norte, pinetsahan Septembre 2, 2025.
Ang dinakpan gipahibalo sa hinungdan sa iyang pagkadakop lakip ang iyang mga katungod sa konstitusyon ug ana-a na kini karon sa kustodiya sa Siocon Municipal Police Station alang sa tukmang disposasyon.(Medalyn U. Borja)