Malampusong nakahuman ang Zamboanga del Norte Medical Center (ZNMC) og 45 ka libreng operasyon ubos sa programa nga “Libreng Opera” niadtong Oktubre 17–18, 2025, nga gipangulohan ni Gov. Darel Dexter Uy.
Lakip sa mga operasyon ang 37 ka laparoscopy, usa ka thyroidectomy, upat ka pediatric surgeries, ug tulo ka arteriovenous fistula (AVF) procedures nga libre alang sa mga kabus nga pasyente. Nagpasalamat si Gov. Uy sa mga doktor gikan sa Cebu ug sa ZNMC Medical Team sa ilang dedikasyon ug malasakit.
Ang kalampusan sa programa nagpakita sa tinud-anay nga serbisyo ug panaghiusa aron mapalapdan ang dekalidad nga healthcare alang sa mga Zanortehanon.(Jennifer Jr. Delica)
Source/Photo Courtesy: Zamboanga del Norte Provincial News Network