Tugpa sa prisohan ang usa ka Lalaking 45 anyos, tungod sa kasong Pagpayuhot og Iligal nga Drogas, pinaagi sa gipahigayon nga Implementasyon sa Search Warrant, nga gipangunahan sa mga pesrsonahe sa Dapitan City Police Station, didto sa Barangay Potungan, dakbayan sa Dapitan, ning Probinsiya sa Zamboanga Del Norte, niadtong nakalabay’ng adlaw Hulyo 21, 2025.
Base sa pahayag nga giluwatan sa Dapitan Pnp, nga atol sa ilang gipahigayon nga pagserved og Search Warrant sa nasangpit nga suspetsadong giila sa alyas nga Pogi ug Residente ra usab sa naasoy nga Lugar, diin kini Positibong nakuhaan gikan sa iyang Kontrol ug Posisyon sa gituohang Iligal nga Drogang Shabu, nga kini gibana-banang motimbang og 2.5 gramos, samtang gibana-bana usab ang kantidad niini base sa Standard Drug Price (SDP) nga mokabat ngadto sa Php17,000.00.
Matud pa nga ang nasangpit nga operasyon nagmalampuson pinaagi sa lig-on nga kooperasyon sa mga operatiba gikan sa MG 5SOU SND SBC, lakip na usab ang mga personahe sa 5th SOU Mabuhay MG.
Sa pagka karon ang dinakpan atua na ubos sa Kustodiya sa Dapitan City Custodial Facility, alang sa na tukmang disposasyon, samtang ang mga nakumpiskang Iligal nga Drogas gikan kaniya, atua na gipadala sa ZN Provincial Forensic UNIT-9 alang na sa Chemical Examination ug alang na usab sa tukmang documentation.(Julius Esmade)
Sent from Outlook for Android