Dakpan ang usa ka 44 anyos nga Street Level Individual (SLI) atol sa gikasa nga buy-bust operation sa mga personahe sa kapulisan mga alas 9:40 ang takna sa kagabhion niadtong Mayo 8,2026 didto sa Purok Waling-Waling, Brgy. Diwaan, Dapitan City, Zamboanga Del Norte.
Ang maong dinakpan nga suspek naila nga usa ka lalaki ,44 anyos, minyo,guwardiya ug residente sa nahisgutang lugar, nalista nga SLI kinsa gidakop tungod sa paglapas sa Republic Act No. 9165,( Comprehensive Dangerous Drugs Act of 2002).
Nasakmit sa mga awtoridad gikan sa suspek ang gibana-bana nga 1.3 gramos nga gituohang shabu nga gibanabanang mobalor og P8,840.00, uban sa nagkalain-laing mga gamit sa droga ug mga butang nga dili droga.
Ang suspek gupahibalo sa hinungdan sa iyang pagkadakop ug mga katungod sa Konstitusyon sa Miranda Warning ug Anti-torture Act sa usa ka diyalekto nga iyang hingpit nga nasabtan ug kasamtangang gikustodiya kini sa Dapitan City Police Station alang sa pagpaabot sa pagpasaka sa tukmang reklamo.
Samtang ang tanang nakumpiska nga mga butang gi-imbentaryo na ug gisumite sa Zamboanga del Norte Provincial Forensic Unit-9 alang sa chemical examination.(MEDALYN U. BORJA)
Source: ZNPPO