Tugpa sa prisohan ang usa ka 43 anyos nga Lalaking Wanted sa kasong Arson, sa gipahigayon nga Manhunt Operation sa mga personahe sa Tukuran Municipal Police Station, didto sa Barangay Curvada, Lungsod sa Tukuran, Probinsiya sa Zanboanga Del Sur, kagahapong adlawa, Setyembre 02, 2025, sa may alas 10:25 sa buntag.
Base sa pahayag nga giluwatan sa Tukuran Pnp, nga gisikop nila ang Suspetsadong giila sa alyas nga Juanito, diin kini Lumolupyo sa Barangay Panduma Senior, sa nasangpit nga Lungsod ug Probinsiya, pinaagi sa Warrant of Arrest nga giisyu sa Presiding Judge sa Regional Trial Court 9th Judicial Region, Branch 19, Pagadian City, penitsahan og Agusto 26, 2025.
Bisan pa man sa maong kaso nga gi-atubang sa nasangpit nga dinakpan, gihatagan gihapon kini og katungod sa korte nga makaangkon og temporaryong kagawasan, kon siya maka tunol og kantidad nga Php72,000.00, isip piyansa niini, bugti sa iyang nabuhat nga salaod.
Sa pagka karon, ang naasoy nga dinakpan, atua na ubos sa kustodiya sa Tukuran Municipal Police Station, alang na sa tukmang disposisyon.(Julius Esmade)