Dakpan ang usa ka 42 anyos nga wanted sa kasong VAWC atol sa gipatoman nga hiniusang manhunt operation sa mga personahe sa kapulisan mga alas 7:00 ang takna sa kagabhion niadtong Abril 27, 2026, didto sa Brgy. Sicayab, Dipolog City, Zamboanga del Norte.
Ang maong dinakpan nga wanted person naila nga si alyas “Mar” , 42 anyos, lalaki, minyo, walay trabaho ug residente sa nahisgutang lugar, kinsa gidakop pinaagi sa mga operatiba sa Dapitan City Police Station, uban sa mga personahe gikan sa 1st ZNPMFC, 901st MC RMFB9 ug Mabuhay SBC 5TH SOU MG, pinasikad sa Warrant of Arrest nga gi-isyu ni Hon. Florendo Bolante Opay, Presiding Judge, Ninth Judicial Region, Branch 4, Dapitan City, Zamboanga Del Norte nga gipetsahan Abril 27, 2026 nga adunay piyansa nga P10,000.00.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa usa ka diyalekto nga iyang hingpit nga nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO