Dakpan ang usa ka 42 anyos nga Lalaki, pinaagi sa gipahigayon nga Joint Buy-Bust Operation nga gipangunahan sa mga personahe sa Labason Pnp, nga miyembro sa Municipal Drugs Enforcement Team (MDET) didto sa Sitio Matin-aw, sa Barangay Lawigan, Lungsod sa Labason, ning Probinsiya sa Zamboanga Del Norte, niadtong nakalabay’ng adlaw, Setyembre 07, 2025 sa may alas 5:30 sa buntag.
Giila sa Labason Pnp ang dinakpan sa alyas nga Dagol, Lumolupyo ra usab sa nasangpit nga Lugar, nga matud pa, bag-o lang kining na Identify isip Street Level Individual (SLI), diin atol sa naasoy nga operasyon, Posetibo kining nasakmitan og usa ka gamay nga naka Heat-Sealed Transparent Plastic Sachet, nga adunay sulod nga White Crystalline Substance ug kini gituohang Shabu, nga gibana-bana ang gibug-aton niining mokabat sa 2 gramo’s, samtang gibana-bana usab ang kantidad niining mokabat ngadto sa Php13,600.00, base sa Standard Drug Price niini.
Lakip nga nakuha gikan sa dinakpan ang lighter, belt bag nga color blue, maingon man ang usa ka tibuok nga Php500.00 nga maoy gigamit isip Buy-Bust money.
Gipadala dayon ngadto sa Zamboanga Del Norte Forensic Unit-9 ang nakumpiskang gituohang Iligal nga Drugang Shabu alang na sa ipahigayon nga eksaminasyon, samtang ang Supetsado, gidala una ngadto sa Labason District Hospital alang na sa Medical Examination, pagkahuman, gidala dayon kini ngadto sa Labason Municipal Police Station (LMPS) alang na sa tukmang disposasyon.(Julius Esmade)
Source: ZNPPO