Nagmugna ang Local Government Unit sa Lungsod sa Rizal ning Probinsiya sa Zamboanga Del Norte, og “Taboan sa Subanen Village”, didto mismo atubangan sa Municipyo sa nasangpit nga Lungsod, sugod niadtong petsa 06, ning bulan sa Setyembre, hangtod lamang kini sa petsa 13 ning maong bulan.
Matud pa, nga ang nasangpit nga “Taboan sa Subanen Village”, magsugod sa may alas 8:30 ang takna sa buntag, ug taman lamang kini sa alas 5:00 ang takna sa hapon, diin kini taman lamang, karong umalabot nga adlaw’ng sabado.
Mapalit sa naasoy nga “Taboan sa Subanen Village”, ang nagkadaiyang mga Prutas, Lagutmon, Utanon, maingon man ang mga Produkto gikan sa Kadagatan, sama sa mga kinhason, ug uban pa.
Tungod niini, gi-awhagan sa Lgu Rizal ang mga katawhan, nga ilang e display ang ilang mga abot sa umahan ug sa ilang pagpanagat, ngadto sa “Taboan sa Subanen Village”, aron kini mamahimong Extra Income, maingon man makahimulos usab ang mga katawhan sa nahisgutang Lungsod sa mga Presko ug Barato nga mga palaliton nga abot mismo sa mga katawhang Rizalnon.(Julius Esmade)