Mukabat sa 41 ka mga DepEd School Heads sa Munisipyo sa Gutalac ang nagkatapok atol sa gipahigayon nga Coordination Meeting alang sa Nationwide Simultaneous Active Attack Incident Drill sa tanang tunghaan sa DepEd niadtong Agosto 26,2026.
Ang panagtapok inubanan pinaagi nila ni Dr. Danilo B. Alga, PSDS sa DepEd Gutalac I, ug Dr. Simlo A. Lomarda, PSDS sa DepEd Gutalac II ug gipangunahan sa pasalig ni Godod Municipal Mayor, Hon. Eddie Justin T. Quimbo, diin nagtutok sa pagpalig-on sa pagpangandam ug koordinasyon aron masiguro ang kaluwasan ug seguridad sa atong mga estudyante, magtutudlo, ug mga kawani sa tunghaan.
Dugang pa,aktibong misalmot usab sa tigom ang OIC Gutalac MPS, PCPT Jonathan Lagang; Station Caretaker BFP Gutalac, Sir Generoso; MDRRMO Designate, Engr. Rolando Ortiz; ug MHO, Dr. Jackylyn Cruz.
Sa samang hugayon,gipahimuslan usab ang mga hilisgutanan ug mga importanteng programa sa panglawas nga gipatuman sa pakigtambayayong sa DepEd, partikular na ang School-Based Immunization Program ug Deworming Program diin kini magpanalipod sa mga anak usa ka lakang sa pag-atiman sa kaluwasan ug sa panglawas.(MEDALYN U. BORJA)
Source: LGU Gutalac Public Information