Nagtingkagol karon sa bilangoan ang usa ka 40 anyos nga lalaki homan masikop sa gikasa nga law enforcement operation sa mga personahe sa kapulisan mga alas 12:58 ang takna sa kaudtuhon Pebrero 17,2025,didto sa Purok Kalachuchi, Brgy. Guinles, Polanco, Zamboanga del Norte.
Ang dinakpan naila nga si Allan Tencio Japay, trabahador ug residente sa susamang Barangay, kinsa gidakop tungod sa paglapas sa Section 5(A) sa Republic Act 9262 (Anti-Violence Against Women and Their Children Act of 2004)
Nasikop kini pinaagi sa Tracker Team sa Polanco MPS ubos sa warrant nga gi-isyu ni Hon. Nestor Rabulan Angeles, Presiding Judge sa RTC, Ninth Judicial Region, Branch 3, Dipolog City, pinetsahan og Enero 28, 2025 nga adunay piyansa nga mobalor sa P2,000.00 alang sa iyang temporaryong kagawasan.
Ang suspek gipahibalo sa iyang mga katungod sa konstitusyon ug anaa na karon kini sa kustodiya sa kapolisan sa Polanco MPS alang sa tukmang disposisyon ug dugang legal nga proseso.(Medalyn U. Borja)
Source: ZNPPO