Dipolog: 4 nga miyembro sa pamilya brutal nga gipatay

0
127

Nakabsan sa kinabuhi ang 4 ka miyembro sa pamilya human kini gisulod sa ilang balay ug gitigbas sa wala pa nailhi nga suspek kagahapon sa hapon, Abril 19, 2022 didto sa Purok 3, Barangay New Katipunan, Midsalip, Zamboanga del Sur.

Visit RPN DXKD Dipolog

Giila ang mga biktima nga napatay nga sila Lolifer Zamora Udarbe, 33 anyos, amahan, Julieta Arapon Aligo, 26, inahan, Elna Mae Udarbe 7 anyos ug si Eljune Udarbe 5 anyos mga residente sa nahisgotang lugar.

Sigon pa sa imbistigasyon nga gihimo sa Midsalip Police Station, pinanguluhan ni P/Maj Juvic D. Aballe, iyang gibutyag nga sa pag-abot sa operitiba sa pinuy-anan sa Udarbe, nadiskubrehan nga wa nay kinabuhi ug brutal kini nga gipatay ang upat sa lima ka miyembro sa maong pamilya sa ilang pinuy-anan.

Dugang pa sa otoridad,nga gigutay gutay ang lawas sa mga biktima tungod kay halos gabulag bulag na ang ubang parte sa lawas sa mga anak ug sa inahan samtang nabulag pod ang ulo sa ilahang amahan.

Taho pa ni Aballe, usa ka tawo ang naghatag ug impormasyon sa personahe sa PNP aron ipahibalo ang masalimuot ug brutal nga pagpatay sa pamilyang Udarde.

Dali naman kining girespondehan sa otoridad. Sa pagkakarun, wala pay maituring na person of interest ang panghitabo.

Padayun sa gihapon ang imbestigasyon sa otoridad alang sa pag-imbestigar sa ugat sa maong madugong insidente. (Liccin V. Bello)

Leave a Reply