Gipahigayon sa Liloy District Jail ang Public Safety Youth Ambassador Workshop uban ang Philippine National Police o PNP ug Bureau of Fire Protection o BFP sa Southern Philippine College, Labason, Zamboanga del Norte, diin mitambong ang 187 ka estudyante gikan sa Grades 7 hangtod 12.
Gipunting sa kalihokan ang public safety, crime prevention, fire safety, disaster preparedness, anti-drug awareness ug responsableng pagkamamamayan, lakip ang papel sa mga kabatan-onan sa pagpalambo sa mas luwas nga komunidad.
Aktibong miapil ang mga estudyante sa mga diskusyon isip kabahin sa paningkamot sa BJMP, PNP ug BFP nga mapalig-on ang kahibalo sa kabatan-onan bahin sa kaluwasan, disiplina ug responsibilidad sa ilang tagsa-tagsa ka komunidad.
Gipasalig sa maong mga ahensya ang pagpadayon sa ilang panagtinabangay aron mahatagan og kahibalo ug gahum ang mga kabatan-onan nga mahimong responsableng mga lider ug tigpasiugda sa public safety.(JENIFFER JR. DELICA)
Source: Liloy District Jail- BJMPR9