Nagpasalamat si Police Regional Office 7 (PRO7) Director PBGEN Redrico A. Maranan sa tanang pulis nga na-deploy sa Central Visayas atol sa 53rd anibersaryo sa Martial Law rallies niadtong Setyembre 21, 2025. Ang tanang kalihokan milabay nga malinawon ug walay insidente nga nahitabo.
Gidala sa mga raliyesta ang ilang mga placards ug banners batok sa korapsyon samtang gipadayag ang ilang sentimyento uban sa kooperasyon sa kapulisan. Ang kalinaw ug hapsay nga resulta gipasidungog sa istratehikong pagbantay sa PRO7 pinaagi sa police visibility, layered deployment, ug standby nga Civil Disturbance Management teams.
Si PBGEN Maranan personal nga misubay sa sitwasyon gikan sa PRO7 Command Center aron masiguro ang paspas nga aksyon ug walay kalangan sa seguridad sa Cebu, Bohol ug tri-cities area.
Sa iyang pamahayag, giingon ni Maranan: “I extend my heartfelt congratulations to our troops whose professionalism, vigilance, and commitment to duty made this peaceful outcome possible. Your efforts exemplify the highest standards of police service in Central Visayas.”
Gipadayag usab niya nga magpadayon ang PRO7 sa pagsuporta sa kalinaw ug seguridad, samtang naghatag og garantiya nga respetohon gihapon ang katungod sa katawhan sa pagtipon ug pagpahayag.
Source: PRO7- PIO
I via Renante Socia Lada
#rpndykccebu