Malampuson nga gipahigayon sa Philippine Statistics Authority (PSA) Zamboanga del Norte National ID Team ang National ID registration alang sa mga Persons Deprived of Liberty (PDLs) sa nagkadaiyang Bureau of Jail Management and Penology (BJMP) male dormitories gikan sa Sindangan, Salug, Liloy, Zamboanga del Norte, Dapitan City, ug Dipolog City, human sa pormal nga hangyo sa maong ahensya.
Gituhoan nga ang kalihukan nagtinguha sa paghatag ug patas nga akses sa mga PDLs aron makabenepisyo sa Philippine Identification System (PhilSys), ilabi na sa ilang pagproseso sa legal nga dokumento, social services, ug pagpangandam sa pagbalik sa komunidad.
Kini nga paghatod sa serbisyo ngadto sa pasilidad sa BJMP usa ka lakang aron makab-ot ang mas inclusive nga implementasyon sa National ID, lakip na ang sektor nga kasagaran malimitahan ang paglihok tungod sa ilang kahimtang sa prisohan.(IKEN B. GULLEM)
Source: PSA Zamboanga del Norte