Gipadayon sa City Government of Dapitan ang mga lakang aron ipatuman ang round-breaking nga Rizal Monument, nga giplanong mahimong pinakataas nga 3D-printed nga estatwa ni Dr. Jose Rizal sa kalibutan.
Niadtong Pebrero 5, 2026, nakigtagbo si Mayor Evelyn “Belen” T. Uy sa mga representante sa Department of Science and Technology – Metals Industry Research and Development Center (DOST-MIRDC) aron hisgutan ang pagkompleto sa 46-foot-tall Rizal Monument ubos sa proyekto nga Development of the Advanced 3D Infrastructure for Tourism, Art, and Nationalism (DAPITAN).
Ipahimutang sa Rotunda sa Lawaan ang monumento, nga nagtumong sa paghanduraw sa upat ka tuig nga exile ni Dr. Jose Rizal sa Dapitan. Pinaagi sa modernong 3D-printing technology, siguruhon sa proyekto nga lig-on, luwas, ug andam sa lokal nga kondisyon ang estruktura.
Kabahin sa mitambong sa technical coordination ang mga inhenyero sa DOST-MIRDC ug ang DOST-IX, kauban ang mga opisyal sa City Government lakip ang City Administrator ug City Engineering Office.
Samtang, padayon ang paningkamot sa LGU ug DOST aron mahuman ang monumento nga gilauman mahimong bag-ong simbolo sa kasaysayan, nasyonalismo, ug turismo sa Dapitan isip Shrine City.(IKEN B. GULLEM)
Source: City Government of Dapitan