Nadakpan sa gipahigayon nga law enforcement operation sa mga personahe sa Dipolog City Police Station pinaagi sa warrant of arrest ang usa ka 38 anyos nga lalaki,mga alas 4:46 ang takna sa kahapunon, Hulyo 23, 2025, didto sa Purok Balabag, Barangay Gulayon, Dipolog City, Zamboanga del Norte.
Ang operasyon miresulta sa malampusong pagkasikop ni alyas “Ar”, 38 anyos, lalaki, minyo, ug nagpuyo sa samang barangay kinsa nalutsan sa warrant of arrest tungod sa paglapas sa Section 5(i) sa Republic Act No. 9262, nailhan usab nga Anti-Violence Against Women and their Children Act of 2004, nga nakadocket ubos sa Criminal Case No. 28127.
Ang warrant giisyu ni Hon. Nestor Rabulan Angeles, Presiding Judge sa Family Court, 9th Judicial Region, Branch 3, Dipolog City, Zamboanga del Norte, pinetsahan Hulyo 23, 2025, nga adunay girekomendar nga piyansa nga mobalor sa P72,000.00 alang sa iyang temporaryong kagawasan.
Ang dinakpan anaa na karon sa kustodiya sa Dipolog CPS alang sa tukmang disposasyon.(Medalyn U. Borja)
Source: ZNPPO