Usa ka Exe-cutive Briefing on the State of Local Governance, alang sa Component 1 sa NEO PLUS (Newly Elected Official Performing Leadership for Uplifting Service) Program, ang malampusong napahigayon dinhi sa dakbayan sa Dipolog kagahapong adlawa Hulyo 23,2025.
Ang maong aktibidad,kabahin sa mga bag-ong Napili nga Opisyal sa Dakbayan sa Dipolog, diin kini pormal nga gisugdan pinaagi sa pag-ampo ug National Anthem, ug misunod ang usa ka hamubo nga ‘Meet and Greet’ tali sa Newly elected Officials (NEOs) ug sa mga Department Heads sa City Government sa Dipolog kinsa misalmot sa kalihokan.
Si Hon.Harrison T. Young kinsa newly-minted member sa Sangguniang Panglusod, maoy nanguna sa Opening Remarks.
Samtang, sila si Atty. Senen O. Angeles, City Vice Mayor ug Atty. Raul C. Barbaso, Sangguniang Panlungsod Member mihatag sa ilang mga mensahe.
Si DILG CLGOO Sherrie Charlota N. Machutes,mi presentar sa kinatibuk-ang panglantaw sa nasangpit nga kalihokan,diin sigon sa nasayran sa dili pa ang petsa 28 sa Hulyo,kinahanglang hingpit nang makompleto ang mga gikinahanglan ug buluhaton sa pagpadayun sa programa.
Sa pikas bahin, gipresentar sa mga LGU functionaries ang State of Local Governance Summary, ang kaniadtong Situationer, Accomplishments of the Previous Administration, Issues, Gaps, Challenges ug recommendation.
Sa samang higayon si Hon. Roberto Y. Uy, ang bag-ong nilingkod nga City Mayor sa dakbayan sa Dipolog ang iyang administrasyon,mipresentar sa mga prayoridad sa nag unang isyu nga mao ang pagpa uswag sa LGU’s Corazon C. Aquino Hospital, ug uban pang mga isyu lakip ang pagpalambo sa revenue collection.
Sa hinapos nga bahin sa kalihokan ang DILG Dipolog mipadayag sa ilang kinasingkasing nga pagpasalamat sa tanang mga partisipante nga misalmot sa Exe-cutive Briefing, nga nisuporta ug ni kooperar, ilabi na sa mga Bag-ong Napili nga Opisyales nga nipartisipar sa kalihokan nga gilangkuban nila ni City Administrator’s Officer Atty. Valerie Hope B. Jauculan-Flores ug staff; City Planning and Development Office~ Engr. Albert S. Alimpulos ug staff; ug ni Hon. Roberto Y. Uy kinsa mao ang naila nga bag-ong Mayor ning dakbayan sa Dipolog. (Medalyn U. Borja)
Source: DILG Dipolog