Nasibot sa mga personahe sa Sirawai Municipal Police Station ang usa ka 38 anyos nga lalaki human kining nagkupot ug ihalas nga armas sa gipahigayong joint law enforcement operation didto sa Barangay Lubok, Sirawai, Zamboanga del Norte niadtong nakalabay nga adlaw.
Ang operasyon pinasikad sa Search Warrant nga miresulta sa pagkakumpiska sa usa ka 45 caliber pistol ug usa ka magazine nga puno sa lima ka buhing bala.
Gipangunahan ang maong operation sa mga personahe sa Sirawai Municipal Police Station kauban ang 901st Regional Mobile Force Battalion 9 (RMFB9) ug 2nd Zamboanga del Norte Provincial Mobile Force Company (ZNPMFC) nga mi-resulta sa pagkasikop sa suspetsado.
Samtang gidala na sa Sirawai Municipal Police Station ang dinakpan alang sa tukmang disposasyon.(Iken B. Gullem)