Gipahigayon niadtong Oktubre 22, 2025, sa Siocon District Jail ang usa ka skills enhancement training sa paghimo og organic fertilizer ubos sa liderato ni Acting Jail Warden JSINSP Achmed Aziz A. Pia, isip kabahin sa National Correctional Consciousness Week (NACOCOW) 2025 nga semanang kalihukan.
Gipangulohan sa mga personahe sa Municipal Agriculture Office ang pagbansay, pinaagi nila Krizza Pearl Francisco-Ver ug Romnick D. Ordeniza, aron matudluan ang mga Persons Deprived of Liberty (PDL) sa proseso sa paghimo sa organic fertilizer pinaagi sa lecture ug hands-on nga sesyon.
Ang kalihukan nagtumong sa paghatag og dugang kahibalo ug panginabuhian sa mga PDL isip bahin sa ilang rehabilitasyon ug pag-andam sa pagbalik sa komunidad uban ang pagpalambo sa ilang kumpiyansa ug kahanas.(Jeniffer Jr. Delica)
Source/Photo Courtesy: Siocon District Jail