Sa tumong nga mapalig-on ang digital nga kapasidad sa mga Micro, Small, and Medium Enterprises (MSMEs) sa Zamboanga del Norte, naghiusa ang Department of Science and Technology Region IX (DOST-IX) ug DMC College Foundation, Inc., pinaagi sa proyekto nga “SETUP CONNECT: Creating Opportunities for Networking, Nurturing, and Empowering SETUP Cooperators in Their Technology Upgrading Journey.”
Ang SETUP CONNECT usa ka inobatibong plataporma nga nagpalig-on sa koneksyon, koordinasyon, ug pagpaambit sa datos tali sa mga benepisyaryo sa SETUP program.
Pinaagi niining panaghiusa, giila sa DOST-IX ang bililhong suporta sa DMC College Foundation, Inc.—isip kabahin sa ilang institutional extension program—sa pagpalambo sa mga technology-based solutions nga makatabang sa pagpaayo sa serbisyo alang sa mga MSMEs nga tinabangan ubos sa SETUP program.
Gisaksihan sa mga opisyal sa DMC College nga sila Dr. Gerald T. Concha, Atty. Diana Charlette Concha, Dr. Dino Joey Cordova, ug Ms. Ma. Dara C. Saquin-Woo, samtang si Provincial S&T Director Nuhman M. Aljani misalir sa DOST-IX.
Kini nga panaghiusa nagtimaan sa mas lig-on nga koneksyon tali sa akademya ug industriya padulong sa digital transformation ug malungtarong paglambo sa negosyo sa probinsya.(Iken B. Gullem)
photo courtesy: DOST Regional Office No. IX