Sa gipakusog nga kampanya batok sa mga wanted person,usa ka law enforcement operation ang gikasa sa mga tinugyanan sa balaod ang miresulta sa pagkasikop sa usa ka wanted person nga nag atubang sa kasong paglapas sa Psychological Violence sa R.A 9262,didto sa Brgy. Obay, Polanco ning probinsya sa Zamboanga del Norte, niadtong Septiyembre 4,2025.
Ang dinakpan nga wanted person naila nga usa ka 37 anyos nga lalaki, residente sa nasangpit nga lugar kinsa gisikop tungod sa kalapasan sa PSYCHOLOGICAL VIOLENCE ubos R.A. 9262.
Ang operasyon gihimo pinaagi sa hiniusang operasyon sa Dapitan CPS, 5th SOU, 901st MC RMFB9 ubos sa Warrant of Arrest nga giisyu sa Family Court, RTC, 9th Judicial Region, Branch 4, Dapitan City, Zamboanga Del Norte nga adunay piyansa nga girekomendar nga Php 10,000.00.
Giawhag sa Dapitan City Police Station ang publiko nga magmabinantayon ug motaho dayon sa mga kadudahang kalihokan ngadto sa mga otoridad.(Medalyn U. Borja)
Source: Dapitan City Police Station MPS ZNPPO