Arestado ang usa ka wanted person sa kasong Qualified theft atol sa gihimo nga intelligence driven operation mga alas 4:30 ang takna sa hapon niadtong Abril 7, 2026, didto sa Purok 2 Brgy.Cobcob ,Gutalac Zamboanga del Norte
Naila ang dinakpan nga wanted person nga si alyas “Joe” 36 anyos, lalaki, ulitawo, mag-uuma, ug residente sa nasangpit nga lugar, gidakop pinaagi sa Warrant of Arrest alang sa Qualified Theft, nga gi-isyu niadtong Marso 10, 2015 sa Presiding Judge sa Regional Trial Court, 9th Judicial Region, Branch 28, Liloy, Zamboanga del Norte, nga adunay girekomendar nga piyansa nga P24,000.00 alang sa temporaryong kagawasan.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa usa ka pinulongan nga iyang hingpit nga nasabtan ug anaa na kini karon sa kustodiya sa Gutalac Municipal Police Station alang sa hustong disposisyon.(MEDALYN U. BORJA)
Source: ZNPPO