Nagtingkagol karon sa prisohan ang usa ka lalaki homan maserbisyohan ug warrant of arrest sa mga personahe sa kapulisan mga alas 5:50 ang takna sa hapon niadtong Abril 7, 2026, BJMP Regional Office IX Zamboanga City Jail, Dr. Varela Street, Zone 1.
Naila ang dinakpan nga si alyas “Rey” 39 anyos, lalaki, ulitawo, walay trabaho, ug residente sa Barangay Lanzones, Zamboanga City kinsa gidakop pinaagi sa operasyon kalabot sa Simultaneous Anti-Criminality Law Enforcement Operation (SACLEO).
Ang pagdakop gihimo pinaagi sa pagsilbi sa Warrant of Arrest tungod sa paglapas sa Section 10(a) sa Republic Act 7610 (Special Protection of Children Against Abuse, Exploitation and Discrimination Act), nga gi-isyu sa Regional Trial Court, Ninth Judicial Region, Branch 27, Siocon, Zamboanga del Norte, uban sa girekomendar nga piyansa nga P40,000.00 para sa temporaryong kagawasan.
Ang akusado gipahibalo sa hinungdan sa iyang pagkadakop ug mga katungod sa konstitusyon ug kasamtangang gikustodiya na kini karon sa Zamboanga City Jail, BJMP Regional Office IX, alang sa hustong disposisyon.(MEDALYN U. BORJA)
Source: ZNPPO