Balhog karon sa prisohan homan masikop ang usa ka Top 1 Most Wanted Person sa kasong pagpanglugos ug menor de edad atol sa gipatoman nga joint law enforcement operation mg alas 2:45 ang takna sa hapon niadtong Abril 7, 2026.
Ang maong dinakpan nga wanted person naila nga si alyas “Petro” 32 anyos, lalaki, ulitawo ug residente sa Sitio Loquilos, Barangay East Poblacion, Manukan, Zamboanga del Norte kinsa gi-aresto pinaagi sa bisa sa Warrant of Arrest alang sa 5 counts of Qualified Rape of a Minor nga gi-isyu niadtong Abril 6, 2026 sa Presiding Judge sa Regional Trial Court, 9th Judicial Region, Branch 3, Dipolog City, nga walay girekomendar nga piyansa.
Ang dinakpan gipahibalo sa iyang mga katungod sa konstitusyon, lakip na ang mga pasidaan sa Miranda ug Anti-Torture, ug karon anaa kini sa kustodiya sa Manukan Municipal Police Station alang sa hustong dokumentasyon ug disposisyon.(MEDALYN U. BORJA)
Source: ZNPPO