Dakpan sa mga personahe sa Polanco Municipal Police Station, kauban niini ang mga Intelligence Operatives sa Police Station 4 Mabolo Cebu City Police Office (CCPO) ang usa ka 35 anyos nga Lalaki, nga Wanted sa kasong Robbery, sa ilang gipahigayon nga hiniusang Operasyon nga pagserve og Warrant of Arrest, didto sa Vic Compound, MJ Cuenco Avenue, sa Barangay Mabolo Cebu City, niadtong Agusto 03, 2025 sa may alas 4:20 sa hapon.
Giila sa Polanco Pnp ang dinakpan sa alyas nga Jan Rey, Lalaking minyo, ug Lumolupyo kini didto sa Napolan, Pagadian City, Zamboanga Del Sur, diin ang nasangpit nga suspetsado gisikip pinasikad sa Warrant of Areest sa Krimen nga Robbery, ubos sa Article 293 sa Revised Penal Code (RPC), ug kini naka doket ubos sa Criminal Case Number 3651, nga giisyu ni Deborah Page Garcia Nazario, ang Presiding Judge sa MTC, 9th Judicial Region (Polanco, Zamboanga Del Norte).
Hinuon, gihatagan sa korte og katungod ang dinakpan nga makatunol og peyansa sa kantidad nga Php18,000.00 alang na sa iyang temporaryong kagawasan, samtang ang naasoy nga Suspect, atua na temporaryong naka detiner sa PS 4 Mabolo CCPO Male Holding Facility, alang na sa tukmang Disposasyon.(Julius Esmade)