Wala nay kinabuhi na niabot sa tambalanan ang usa ka tinun-an human gidunggab sa diskohan.
Nahitabo kini pasado alas 12:00 sa tungang gabii, Pebrero 11, 2024, didto sa Sitio Mainit, Barangay Sta. Rosa, Isla sa Olango, dakbayan sa Lapu-Lapu.
Ang biktima mao si John Paul Ronald Dungog, 18 anyos ang panuigon, grade 11 na tinun-an.
Ang suspetsado usab nagpanuigon og 16 anyos, grade 10, puros sila taga didto sa maong lugar.
Sa inbestigasyon nasayran na adunay disko sa maong lugar sa dihang matod pa adunay nasikhan na ni resulta sa rambol sa mga grupo.
Nahitabo ang pagpanunggab gamit ang icepick na gikaigo sa biktima sa iyang wala na dughan na maoy hinungdan sa iyang hinalaling kamatayon.
Sa pagkakaron gi kusyodiya na sa DSWD ang menor de edad na suspetsado samtang gihimo pa ang dugang inbestigasyon sa kapulisan. (Renante Lada, photo courtesy by Momy Teth)