Arestado ang usa ka wanted person pinaagi sa pa serbe sa warrant of arrest,mga ala 1:50 ang takna sa hapon niadtong Abril 15, 2026,didto sa Barangay Sigamok, Jose Dalman, Zamboanga del Norte.
Ang maong dinakpan nga wanted person naila nga si alyas “Gorio” 43 anyos, lalaki ,minyo, mag-uuma, ug residente sa nahisgutang barangay kinsa gidakop tungod sa kasong paglapas sa Republic Act 9262, o nailhan usab nga “Anti-Violence Against Women and Their Children Act of 2004.”
Ang pagdakop gihimo sa mga personahe sa Jose Dalman (MPS), uban sa koordinasyon sa 4th Platoon sa 1st (ZNPMFC), pinasikad sa warrant of arrest nga gi-isyu ni Hon. Mundlyn Geonzon Misal-Martin, Presiding Judge sa Regional Trial Court, Branch 05, Sindangan, Zamboanga del Norte, nga gipetsahan Abril 13, 2026 nga adunay piyansa nga Php72,000.00 alang sa temporaryong kagawasan.
Ang dinakpan anaa karon sa kustodiya sa Jose Dalman MPS alang sa hustong disposisyon ug dugang nga mga proseso sa korte.(MEDALYN U. BORJA)
Source: ZNPPO