Sikop sa gikasa nga buy-bust operation sa kapulisan ang usa ka 32 anyos nga babaye sa pagpayuhot ug ilegal nga drugas,didto sa Purok 6, Brgy Sta. Isabel, ning dakbayan sa Dipolog mga alas 11:36 sa gabie, Septiyembre 14,2024.
Ang dinakpan naila nga usa ka 32 anyos babaye,dalaga, walay trabaho ug residente sa Purok Green Leaves, Brgy Sta. Filomena, Dipolog City, Zamboanga Del Norte.
Nasikop kini pinaagi Dipolog CPS (SDET) pinangulohan ni PLTCOL EDWIN D VERZON (lead unit) kauban ang RDEU 9, ZNPDEU, ug 1st ZNPMFC sa pakig-alayon sa ZN PDEA 9.
Atol sa operasyon,nasakmit gikan sa possession ug control suspek mao ang;
Usa ka piraso nga small sized heat-sealed transparent plastic sachet nga gituohang “shabu” isip ebidensya sa buy bust, Usa sa 2 ka piraso sa small sized heat-sealed transparent plastic sachet nga gituohang “shabu”,Usa (1) ka piraso sa 1,000-peso bill nga buy bust money,Usa ka drinking straw nga nagsilbing sudlanan sa buy bust item, Usa ka drinking straw nagsilbing sudlanan sa shabu,Usa ka piraso cigarette pack nga Winston brand nga nagsilbing sudlanan.
Ang narekober nga ebidensiya sa drugas gibana-banang nga gibug-aton nga 2 gramos nga mobalor sa P13,600. (Medalyn U. Borja)
(Source: Dipolog CPS)