Malampusong gipahigayon sa Salug District Jail ang medical examination alang sa 31 ka Persons Deprived of Liberty o PDL ubos sa pagpanguna ni Acting Jail Warden JSINSP Rolly L. Paner.
Nahimo ang maong aktibidad pinaagi sa kolaborasyon sa Sev Clinic sa Polanco, Zamboanga del Norte nga gipangulohan ni Dr. Niño Anthony Carr A. Ponce de Leon, Medical Specialist II.
Tumong sa kalihokan ang pagsiguro nga ang mga PDL makadawat og hustong medikal nga assessment ug tukmang serbisyo sa panglawas sulod sa pasilidad.
Gipasiugda sa buhatan nga kini kabahin sa ilang padayon nga paningkamot sa pag-atiman sa kahimsog ug kaayohan sa mga PDL, samtang ginapalambo ang kultura sa pag-atiman, paglikay sa sakit, ug makatawhanon nga pagtratar.(JENNIFER JR. DELICA)
Source: Salug District Jail-BJMPR9