Dakpan ang usa ka 31 anyos nga bag-ong nailhan nga Street Level Individual (SLI) atol sa gikasa nga hiniusang buy-bust operation sa mga personahe sa kapulisan mga alas 12:35 sa udto niadtong Hulyo 9, 2026, didto sa Barangay Manaol, Siocon, Zamboanga del Norte.
Ang maong dinakpan naila nga usa ka lalaki, 31 anyos, bag-ong nailhan nga Street-Level Individual (SLI) ug residente sa Barangay Matiag, Siocon, Zamboanga del Norte kinsa gidakop pinaagi sa Station Drug Enforcement Team (SDET) sa Siocon Municipal Police Station (MPS) isip lead unit, uban sa koordinasyon sa Philippine Drug Enforcement Agency Regional Office 9 (PDEA-9), uban sa suporta sa 2nd Zamboanga del Norte Provincial Mobile Force Company (2nd ZNPMFC) ug sa 905th Maneuver Company, Regional Mobile Force Battalion 9 (905th MC RMFB9).
Atol sa operasyon nakuha gikan sa dinakpan ang nagkadaiyang heat-sealed transparent plastic sachet nga adunay sulod sa gituohang shabu nga mutimbang sa 1.5 gramos ug adunay gibanabana nga kantidad nga Php 10,200.00., Php 500.00 peso bill isip buy-bust money, ug uban pang mga butang nga dili druga.
Ang dinakpan gipahibalo sa iyang mga katungod konstitusyon ug ang mga nakumpiska nga gidudahang ilegal nga droga ipadala sa Zamboanga del Norte Forensic Unit – Liloy Satellite Office alang sa laboratory examination.
Samtang ang suspek anaa na karon sa kustodiya sa Siocon Municipal Police Station alang sa hustong disposisyon ug pagpasaka sa angay nga mga kaso alang sa paglapas sa Republic Act No. 9165, o nailhan usab nga Comprehensive Dangerous Drugs Act of 2002.(MEDALYN U. BORJA)
Source: ZNPPO