Malampusong na-aresto ug na serbisyohan ug warrant of arrest ang usa ka 23 anyos nga lalaki nga wanted sa kasong pagpangawat mga alas 12:10 sa udto niadtong Hulyo 9, 2026,didto sa Dapitan City District Jail, Lawa-an, Banonong, Dapitan City, Zamboanga del Norte.
Ang maong dinakpan nga wanted person naila nga si alyas “Bugalo” 23 anyos, kinsa malampusong naserbisyuhan ug warrant of arrest tungod sa kasong Theft na gi-isyu sa Municipal Trial Court in Cities (MTCC), Ninth Judicial Region, Dapitan City, Zamboanga del Norte, nga gipetsahan Hulyo 7, 2026, nga adunay girekomendar nga piyansa nga Php 24,000.00 alang sa iyang temporaryong kagawasan.
Ang dinakpan nga wanted person gipahibalo sa kinaiya sa iyang mga katungod sa konstitusyon ug kasamtangang gibilanggo karon sa Dapitan City District Jail.(MEDALYN U. BORJA)
Source: ZNPPO