Ang Zamboanga del Norte Police Provincial Office (ZNPPO) ang magpahigayon sa Fun Run for a Cause karong umaabot sa Hulyo 20, 2025, kini nga selebrasyon alang na sa 30th Police Community Relations (PCR) Month.
Ang maong aktibidad pagasugdan didto mismo sa ZNPPO Parade Ground, Camp Hamac, Sicayab, Dipolog City, diin sugdan kini sa may alas 4:00 sayo sa kabuntagon.
Ang nasangpit nga fun run gimugna sa tulo ka kategoriya adunay 3km alang sa mga kabataan ug senior citizens nga adunay registration fee nga 300 pesos, 5km alang sa open ug MIU category adunay nga 500 pesos nga registration ug 10km usab sa open ug MIU category nga may 700 pesos nga registration.
Matud pa nga ang tanang musalmot nga mga partisipante makaangkon sa race bib, finisher medal, ug snacks. Ug aduna usab giapil nga finisher shirt sa 5km ug 10km categories ug alang sa 3km runners sila makadawat kung magdugang sila ug 100 pesos aron mahatagan sa white finisher shirt.
Ang maong kalihokan tumong ug tinguha niini nga magpadayun pa ang maayo nga tinguha ug relasyon sa pakig sandurot sa kapulisan sa mga katawhan. Sa ingon ani nga mga pamaagi sa pagpasiugda sa maayong panglawas, panaghiusa ug kalinaw sa komunidad. Dili lamang kini usa ka kalihokan sa pa ugnat sa kusog diin usa usab ka pamaagi sa pagkab-ot sa kalinaw ug maayong relasyon tali sa mga kapolisan ug mga katawhan.
Ang ZNPPO nag pahibalo publiko nga sayo pa lamang magparehistro na aron makasiguro sa ilang partisipasyon pinaagi sa pag bisita sa mga estasyon sa radyo ug pag post sa social media mga pamaagi nga mapahibalo ang publiko sa maong aktibidad nga nahisgutan sa unahan.
Ang registration anaa sa sayun nga mahimong buhaton pinaagi lang sa online form nga makita lang sa link: https://forms.gle/Am5wdqQBkC82VkX77.
Ang maong kalihukan ipaniguro sa Znppo nga daghang lumulupyo ning probinsya ang mosalmot sa fun run isip pagsuporta sa kalinaw, panaghiusa ug kalambuan sa komunidad, ingon man mapabati ang pagkahiusa pinaagi sa maong selebrasyon sa PCR Month ning kasamtangang tuig.(Angelica T. Obina)
Source:ZNPPO