Nakumpiska sa mga personahe sa kapulisan ang mobalor sa kapin P13,000 ka pesos nga kantidad sa ilegal nga drugas ug pagkasikop sa usa ka indibidwal atol sa gihimo nga Joint buy bust operation, didto sa Brgy Poblacion North, Piñan, ZN, Nobyembre 12,2025
Ang maong dinakpan nga indibidwal nasakmitan sa kapin o kulang 2.0 gramos sa gituohang shabu nga gibana-banang mobalor og P13,600.00.
Ang pagkakumpiska sa nasangpit nga drugas ug pagkasikop sa suspek gihimo pinaagi sa MDET sa Piñan MPS kauban ang ZNPDEU, 901st RMFB9, ug ZNPIU.
Detinado na karon ang suspek ug mag atubang sa kasong paglapas sa RA 9165 (Comprehensive Dangerous Drugs Act of 2002).
Kining malampuson nga operasyon nagpasiugda sa walay puas nga dedikasyon sa atong mga personahe sa pagpuo sa pagkuyanap sa ilegal nga drugas ug sa pagpanalipod sa atong komunidad.(MEDALYN U. BORJA)
Source: PIÑAN MPS ZNPPO