Makabaton na ug kahayag ang Sitio Paling-paling sakop sa barangay Sto. Niño, Salug, Zamboanga del Norte human kini gihatagan ug service drop wire ni Mayor William Maribojoc.
Ang nahisgutan nga lugar nataligam-an na sa taas-taas nga panahon sa nanglabayng mga administrasyon ilabi na ang pagpakutay og elektrisidad.
Busa ilawom sa administrasyong Maribojoc, wala gayud siya nagdumili sa hangyo ni konsehal Charity Pascua nga mangayo ug wire.
Gihatagan ang nasangpit nga sityo ug 2, 300 metros nga wire nga makasarang na sa pagpakutay og kuryente gikan sa pinakaduol nga poste.
Mapasalamaton usab ang mga nanimuyo sa lugar ngadto kay mayor Maribojoc tungod sa gipakita nga maayong serbisyo sa katawhan.
(Source: Dipolog Balita Express)